Castellano
Detalle trámite
Non hai convocatorias abertas actualmente
Esta convocatoria ten por obxecto outorgar subvencións, en réxime de concorrencia competitiva, para o financiamento de programas, proxectos, actividades, investimentos e outros gastos correntes, levados a cabo polas entidades sen ánimo de lucro do Concello de Boqueixón, durante o ano 2021, coa finalidade de promover e dinamizar a participación activa da veciñanza no tecido asociativo.
Prazo de Xustificación: Dende o 15 ata o 28 de febreiro de 2022.
A presentación será a través do procedemento Achega de Documentación Complementaria coa documentación indicada na pestana de Documentación - Fase de Xustificación.
Poderán ser beneficiarios das subvencións previstas nas presentes bases as asociacións que reúnan os seguintes requisitos:
- Carecer de fins de lucro.
- Figurar inscritas no Rexistro Municipal de Asociacións do Concello de Boqueixón na data de presentación da solicitude.
- Acreditar un número mínimo de 8 asociados na data de presentación de solicitudes.
- Que, de acordo cos seus estatutos, teñan obxectivos e finalidades que sexan de interese veciñal e coincidentes co obxecto da subvención.
- Que teñan xustificado as subvencións anteriormente outorgadas polo Concello de Boqueixón.
- Que se atopen ao corrente do pago de deberes por reintegro de subvencións.
- Que estean ao corrente no cumprimento das obrigas tributarias coa Axencia Estatal da Administración Tributaria e da Comunidade Autónoma e fronte á Seguridade Social e co Concello de Boqueixón.
- Os demais contemplados na Lei Xeral de Subvencións.
- Non poderán estar incursas en ningunha das prohibicións establecidas no artigo 10 da Lei xeral de Subvencións.
Prazo. As solicitudes deberán presentarse no prazo de 15 días hábiles a contar desde o día seguinte ao da publicación do extracto da convocatoria no BOP da Coruña, segundo a Lei xeral de subvencións (artigos 17.3.b), 18 e 20.8 en relación coa Base de Datos Nacional de Subvencións (Resolución IGAE do 7, 9 e 10 de decembro de 2015).
Lugar. As solicitudes deberán presentarse a través da Sede electrónica do Concello de Boqueixón (https://sede.boqueixon.com/opencms/es/) con acceso a través da web www.boqueixon.gal (Lei 39/2015, de 1 de outubro de procedemento administrativo común das Administracións Públicas) achegando os formularios que figuran como anexos.
A mera presentación da solicitude suporá que o solicitante coñece e acepta as presentes bases de convocatoria
- Solicitude de subvención.
- Anexo I - Proxecto ou memoria detallada da actividade/investimento/gasto corrente para o que solicita subvención.
- Anexo II - Declaracion Responsable.
- Anexo III - Certificado da composición da actual Xunta Directiva da asociación e do número de persoas asociadas da entidade.
- Estatutos da entidade.
- DNI da persoa representante legal da asociación.
- CIF da asociación.
- Certificación de datos bancarios da entidade solicitante.
- A documentación relativa aos apartados E, F, G, H non será necesaria no caso de habela presentado en anos anteriores e non sufrira variación.
No caso de que fosen apreciados defectos de forma ou documentación incompleta, requirirase a corrección ou rectificación no prazo de dez días naturais, arquivándose o expediente sen máis trámites de non efectuarse a mesma, de acordo co establecido no artigo 68 da Lei 39/2015, de 1 de outubro de Procedemento Administrativo Común das Administracións Públicas.
Prazo de presentación: Dende o 15 ata o 28 de febreiro de 2022.
A xustificación da subvención concedida levarase a cabo mediante a presentación a través do procedemento Achega de Documentación Complementaria da conta xustificativa que deberá conter:
- Anexo IV - Breve memoria do investimento / actividade ou gastos correntes realizados, obxecto de subvención.
- Anexo V - Certificación do gasto que se xustifica.
- Anexo VI - Declaración doutras axudas e ingresos obtidos para o mesmo obxecto e declaración do representante.
- Facturas orixinais ou fotocopia cotexada das mesmas, que deben cumprir os requisitos establecidos no Real Decreto 1619/2012, do 30 de novembro, polo que se aproba o Regulamento polo que se regulan as obrigas de facturación.
- Acreditación do pagamento das facturas das seguintes formas:
- Cando a factura sexa pagada en efectivo, deberá aparecer na mesma a indicación “Pago” ou “Recibín”, a data de pago, o selo da empresa e a sinatura de quen recibe o pagamento.
- Cando a factura sexa pagada mediante transferencia bancaria ou tarxeta deberá achegarse o extracto bancario que xustifique a transferencia ou ingreso na conta do beneficiario/a.
- Acreditación da publicidade do financiamento público por parte do concello mediante os medios que se estimen oportunos.
- Calquera outra documentación que sexa requirida pola Intervención municipal para a correcta xustificación da subvención.
-
Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia.
-
Lei 9/2007, do 13 de xuño, de Subvencións de Galicia.
-
Real Decreto 887/2006, de 21 de xullo, polo que se aproba o Regulamento da Lei 38/2003, de 17 de novembro, xeral de subvencións.
-
Lei 38/2003, de 17 de novembro, Xeral de Subvencións.
Nome: Solicitude de subvencións.
Unidade tramitadora: Departamento correspondente.
Inicio do procedemento: A instancia de parte.
Tipo de interesado: Persoa física ou xurídica.
Órgano de resolución: Xunta de Goberno.
Carácter silencio administrativo: Silencio positivo.
Taxas/Impostos: Non aplica.
Canles de atención: Telemático (Iniciar trámite).
Presencial.
