As axudas poderán ser solicitadas polos pais/nais ou titores/as das nenas e nenos nados/as entre o 1 de xaneiro e o 31 de decembro de 2021, que reúnan os seguintes requisitos:

• Que a persoa proxenitora solicitante teña a custodia do neno/a e toda a unidade familiar terá que estar empadroada no Concello de Boqueixón, e no mesmo domicilio familiar, incluído o menor nacido.

Este requisito de empadroamento tense que cumprir na data en que se presenta a solicitude desta axuda, e os proxenitores deberán comprometerse a permanecer empadroados no Concello de Boqueixón, do mesmo xeito que a unidade familiar, un período mínimo de 3 anos a contar desde a presentación da solicitude de axuda.

Entenderase por unidade familiar, a efectos destas axudas, a formada polo pai, nai, titor/a ou persoa encargada da garda e protección da/o menor. Tamén se considerará como membros da unidade familiar as parellas do pai, nai, titor/a do neno/a, sempre que convivan no domicilio familiar, así como os/as irmáns menores de idade do recén nado/a ou os maiores de idade que dependan economicamente dos seus pais ou titores. A estes efectos, considérase o domicilio familiar das nenas ou nenos beneficiarios/as o que figura no padrón de habitantes. 

Estas circunstancias poderán ser comprobadas en calquera momento polo Concello solicitando os informes que procedan.

• Cada neno dará dereito a presentación dunha única solicitude.
• Non ser a persoa solicitante debedora da Administración Tributaria, Seguridade Social ou coa Facenda Municipal.
• Non ter pendente de xustificar subvencións outorgadas polo Concello de Boqueixón.
• Non estar en ningún dos supostos de prohibición para a percepción de subvencións que se establece nos artigos 10 e 13 da Lei 38/2003, do 17 de novembro, xeral de subvencións e da Lei 9/2007, do 13 de xuño, de subvencións de Galicia.

As persoas beneficiarias terán as seguintes obrigas ante o Concello de Boqueixón:

• Cumprir o obxecto da subvención, é dicir, realizar o gasto, en beneficio do neno/s e nena/s, en cueiros, lácteos e alimentos infantís, roupa, calzado, enxoval, produtos de hixiene infantil, medicamentos ou outro tipo de produtos receitados polo facultativo de pediatría.
• Admitirase unicamente para xustificar a achega, as facturas e os xustificantes de pago dos gastos efectuados exclusivamente en comercios radicados no Concello de Boqueixón, cunha data de emisión e de pago, comprendida entre a data de nacemento do neno/a e o 15 de decembro de 2021, para nenos nados/as, adoptados ou acollidos entre o 1 de xaneiro e o 30 de novembro de 2021.
• O prazo máximo de xustificación é a ata o 15 de decembro de 2021 (se realizará a través del procedimiento de Aportación de Documentación), salvo o previsto no apartado seguinte.
• No suposto de nados/as, adoptados/as e acollidos/as entre o 1 e o 31 de decembro, a data máxima de emisión da factura e de pago será ata o 20 de xaneiro de 2022. O prazo máximo de xustificación é a ata o 20 de xaneiro de 2021.

• Someterse ás actividades de control realizadas por parte do Concello para comprobar a veracidade dos actos consignados na documentación presentada, así como o cumprimento dos requisitos para a percepción da axuda e colaborar co Concello nas ditas actuacións.
• Comunicarlle ao Concello calquera modificación nas circunstancias esixidas para a concesión da axuda.