• Ficha de solicitude de inscrición no programa de conciliación activa no que se desexe participar, que aparece publicada na páxina web do Concello de Boqueixón (É obrigatorio anexar esta ficha de solicitude cumprimentada e asinada).

Documentación xustificativa da situación familiar

• Acreditación do documento de identidade da nai/pai/titores ou representantes legais das/dos participantes.
• Título de familia numerosa ou certificado de familia monoparental, no seu caso.
• De non estar empadroadas/dos no Concello de Boqueixón os proxenitores, titores ou representantes legais das/dos participantes, achegaran acreditación de que os menores participantes nas actividades de conciliación están escolarizados nun centro educativo do Concello de Boqueixón.

Documentación xustificativa da situación económica

• Última declaración da renda de todos os membros da unidade familiar ou non seu defecto, certificado emitido pola delegación de facenda que avale a súa non presentación.
• No caso de nulidade matrimonial, separación ou divorcio considerarase a renda de quen exerza a garda e custodia do/da menor e as pensións compensatorias que perciba o cónxuge que a ostente e de alimentos dos/as fillos/as o seu cargo. No caso de que non as percibir acreditar esta circunstancia coa copia da reclamación xudicial presentada para o efecto.
• Outros documentos acreditativos de todas aquelas situacións que, por bonificación, sexan susceptibles de puntuar:
  • Informe do Servizos Sociais, nos supostos que sexa necesario por razón da especial situación socioeconómica ou sociofamiliar.
  • Informe do CIM, nos supostos que sexa necesario por razón da especial situación sociofamiliar.

No caso de que a solicitude non reúna os requisitos esixidos, o Concello requirirá ao interesado para que nun prazo de 10 días emende a falta ou achega os documentos necesarios, con indicación de que se non o fixese, se terá por desestimada a súa petición arquivándose sen máis trámite.