Castellano
Detalle trámite
Non hai convocatorias abertas actualmente
O obxecto destas bases é contribuír á reactivación económica, á xeración de recursos económicos e á promoción e mantemento do emprego, no sector empresarial do mundo do espectáculo e movemento cultural, e en concreto, do sector das orquestras e verbenas, que por tradición se veñen celebrando en emprazamentos ao aire libre no termo municipal de Boqueixón, para contratar orquestras para as ditas festas patronais e populares.
Prazo de solicitude: dende o 7 ata o 25 de novembro de 2022.
Serán destinatarias desta axuda as comisións organizadoras de festas patronais e populares do concello de Boqueixón que cumpran os seguintes requisitos:
- Dispoñer de personalidade xurídica e capacidade de obrar acreditada mediante a asignación pola Axencia Estatal de Administración Tributaria do Estado do correspondente número de identificación fiscal (CIF/NIF).
- Carecer de fins de lucro.
- Figurar inscritas no Rexistro Municipal de Asociacións e desenvolver a súa actividade no Concello de Boqueixón.
- Non ter pendente de xustificar ningunha subvención ou axuda ante o concello no que desenvolve a súa actividade para o mesmo obxecto para o que solicita a axuda.
- Estar ao corrente das súas obrigas tributarias, estatais, autonómicas, co concello e coa seguridade social.
- Non estar incursos en ningún dos supostos de incapacidade ou incompatibilidade para percibir axudas ou subvencións públicas.
Requisitos das orquestras que se van contratar
As empresas titulares de orquestras que se van contratar deberán cumprir cos requisitos seguintes:
- Ter o seu domicilio fiscal e social en Galicia.
- Ter unha antigüidade mínima de 2 anos de exercicio continuado na actividade.
- Declarar responsablemente que ten unha composición mínima de 6 membros, dos cales polo menos 4, deberán na súa actuación tocar un instrumento musical.
- Declarar responsablemente que o 80 por cento da súa actividade céntrase na organización de espectáculos e actuacións musicais en vivo.
As solicitudes deberán ser presentadas a través da sede electrónica do Concello de Boqueixón na seguinte ligazón https://sede.boqueixon.com/gl/procedimientosytramites/index.html#subvenciones
O prazo de presentación de solicitudes estará aberto durante 15 días hábiles a contar dende o día seguinte á publicación do extracto da convocatoria de subvencións no BOP.
As instancias presentaranse e formalizaranse mediante unha solicitude xeral acompañada da seguinte documentación:
- Solicitude de subvención asinada dixitalmente polo presidente/a da comisión, achegando copia do DNI do representante e copia do CIF da comisión ou asociación organizadora dos festexos (Anexo I).
- Proxecto-memoria descritiva da festa para a que se solicita a axuda para a contratación obxecto deste programa, asinada dixitalmente polo presidente da comisión e no que se incluirá a denominación da orquestra a contratar ou que xa foi contratada, no caso de que na data de solicitude xa tivera lugar a verbena popular e orzamento desagregado de gastos (Anexo II).
- Aquela documentación que acredite que a orquestra contratada ou que se pretende contratar reúne os requisitos recollidos nestas bases.
- Declaración xurada asinada dixitalmente da persoa asinante da solicitude de que reúne os requisitos non contravir o regulado nos artigos 13 e 10 da Lei 38/2003 xeral de subvencións e Lei 9/2007 de subvencións de Galicia e de se obtivo ingresos ou solicitou doutro organismo algunha subvención para a realización dos mesmos programas e actividades e a contía (Anexo III).
- Acreditación ou autorización para consulta de datos do solicitante de non ter débedas co concello de Boqueixón, coas Administracións Públicas con potestade tributaria e coa Seguridade Social. Declaración de que a entidade está ao corrente das súas obrigas tributarias, estatais, autonómicas, con concello e coa Seguridade Social (Anexo III).
- Declaración responsable asinada dixitalmente de que as orquestras a contratar se lles esixirán os requisitos recollidos na base cuarta destas bases reguladoras, sen prexuízo de ter que presentar a documentación pertinente no caso de ser esixida (Anexo III).
- Certificación asinada dixitalmente pola persoa que exerza as funcións de secretario/a e presidente/a da asociación sobre a composición da actual Xunta Directiva da comisión/asociación con expresión de nome, DNI e cargo que ocupa (Anexo IV).
-
Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia.
-
Lei 9/2007, do 13 de xuño, de Subvencións de Galicia.
-
Real Decreto 887/2006, de 21 de xullo, polo que se aproba o Regulamento da Lei 38/2003, de 17 de novembro, xeral de subvencións.
-
Lei 38/2003, de 17 de novembro, Xeral de Subvencións.
Nome: Solicitude de subvencións ás comisións organizadoras de festas patronais e populares 2022.
Inicio do procedemento: A instancia de parte.
Tipo de interesado: Persoa física ou xurídica.
Órgano de resolución: Xunta de Goberno.
Carácter silencio administrativo: Silencio positivo.
Taxas/Impostos: Non aplica.
Canles de atención: Telemático (Iniciar trámite).
Presencial.
