Castellano
Detalle trámite
Non hai convocatorias abertas actualmente
Estas bases teñen por obxecto a regulación do réxime xurídico das subvencións ás entidades e grupos de música tradicional do Concello de Boqueixón co obxecto de contribuír á difusión e á promoción da música e o folclore local no termo municipal de Boqueixón durante o ano 2025.
Gastos subvencionables
Participación dos grupos de música e baile tradicional nas distintas festividades e eventos das parroquias de Loureda, Lamas, Vigo, Gastrar, Boqueixón, Oural, A Granxa, Ledesma , Pousada, Donas, Sucira, Sergude, Lestedo e Codeso, todas elas no Concello de Boqueixón, sempre que non sexan organizados polo propio concello.
Poderán participar na convocatoria as entidades e grupos de música e/ou baile tradicional galego que cumpran os seguintes requisitos no momento de presentar a solicitude:
- Estar legalmente constituídas e inscritas no rexistro municipal de entidades ou asociacións do Concello de Boqueixón e contar con domicilio social e fiscal no Concello de Boqueixón.
- Non incorrer nas causas de incompatibilidade ou incapacidade para ser beneficiarias ou percibir subvencións da Administración pública dispostas no artigo 13 da Lei 38/2003 xeral de subvencións.
- No caso de entidades ou asociacións que foran beneficiarias de subvencións ou axudas económicas concedidas en anos anteriores polo Concello de Boqueixón, deberán telas debidamente xustificadas e aprobadas polo Concello de Boqueixón, así como non ter aberto ningún procedemento de reintegro das cantidades percibidas por algunha das causas previstas no artigo 37 da lei 38/2003, xeral de subvencións.
- Figurar entre os seus fins estatutarios os coincidentes co obxecto da subvención.
- Atoparse ao corrente das súas obrigas coa Facenda Pública, Seguridade Social e Concello así como no pago de deberes por reintegro de subvencións.
- Cumprir co resto dos requisitos da convocatoria.
As solicitudes, en modelo oficial facilitado polo Concello, e demais documentos presentaranse na Sede Electrónica do Concello de Boqueixón.
O prazo de presentación será do 11 de Setembro ao 10 de Outubro de 2025.
O prazo de xustificación da subvención rematará o 15 de novembro de 2025.
O período de execución comprenderá do 1 de xaneiro a 15 de novembro do ano a que fai referencia a convocatoria de concesión de subvencións, con independencia da data na que se conceda a subvención e se faga efectivo o pago.
- Solicitude da subvención.
- Anexo I - Declaración responsable.
- Fotocopia do CIF (excepto se foi presentado en convocatorias anteriores).
- Certificado IBAN (excepto se foi presentado en convocatorias anteriores e non sufriu variación).
A persoa ou entidade beneficiaria estará obrigada a xustificar documentalmente o cumprimento das condicións impostas e a aplicación dos fondos recibidos, a través do procedemento de Achega de documentación.
O importe a imputar na xustificación será o total da subvención concedida.
Documentación
- Xustificación.
- Anexo II. Memoria da/s actividade/s realizada/s que incluirá:
- Actividades ou programas desenvolvidos, con expresión de calendario e lugar de execución.
- Obxectivos ou resultados acadados, características, estrutura e metodoloxía da actuación ou programa.
- Memoria fotográfica das actuacións obxecto de subvención.
- Orzamento de execución detallado con expresión do custo desagregado das actuacións realizadas.
- Acreditación da publicidade do financiamento da actividade.
- Anexo III. Declaración da realización da actividade expedida pola entidade ou comisión organizadora das festas ou eventos nas que tiveron lugar as actuacións de música (unha por cada unha).
-
Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia.
-
Lei 9/2007, do 13 de xuño, de Subvencións de Galicia.
-
Real Decreto 887/2006, de 21 de xullo, polo que se aproba o Regulamento da Lei 38/2003, de 17 de novembro, xeral de subvencións.
-
Lei 38/2003, de 17 de novembro, Xeral de Subvencións.
Nome: Solicitude de subvencións do programa PONLLE MÚSICA 2025.
Inicio do procedemento: A instancia de parte.
Tipo de interesado: Persoa xurídica.
Canles de atención: Telemático (Iniciar trámite).
