Estás en:

Detalle trámite

Licenza tenza animais potencialmente perigosos

Descargar impresos

(off line)

Iniciar trámite

(on line)

Descrición

Presentarase a titulo persoal, e a súa obtención será previa á adquisición dun animal considerado como potencialmente perigoso pola normativa de aplicación. No caso de que o animal fose considerado como potencialmente perigoso con posterioridade a súa adquisición por razóns de conduta, o dono ou a dona dispón do prazo dun mes para iso desde o momento desta consideración.

A Licenza terá un período de validez de cinco anos, podendo ser renovada por períodos sucesivos de idéntica duración mediante unha nova presentación da documentación requirida e debidamente actualizada. Calquera variación dos datos que figuran na licenza, deberá ser comunicada polo seu titular no prazo de quince días hábiles, contados desde a data en que se produza a dita modificación.

Quen pode presentar unha solicitude

Calquera persoa física, propietario/a de animais considerados como potencialmente perigosos segundo normativa de aplicación que residan no municipio e calquera persoa que haxa de manexar a algún destes animais, tanto en espazos públicos como privados de uso común.

Requisitos:

Ser maior de idade.
Non ter sido condenado ou condenada por delitos de homicidio, lesións, torturas, contra a liberdade ou contra a integridade moral, a liberdade sexual e a saúde pública, asociación con banda armada ou de narcotráfico, así como non estar privado/a por resolución xudicial do dereito á tenencia de animais potencialmente perigosos.
Non ter sido sancionado ou sancionada por infraccións graves ou moi graves con algunha das sancións accesorias previstas na normativa de aplicación.
Dispor de capacidade física e aptitude psicolóxica para a tenencia de animais potencialmente perigosos.
Acreditación de ter formalizado un seguro de responsabilidade civil por danos a terceiros cunha cobertura non inferior a 125.000 € e exento de franquías en canto á responsabilidade civil a terceiros.

Como e onde presentala solicitude

Preferentemente de forma telemática a través do botón "Iniciar trámite". Se a persoa interesada non utiliza a vía telemática poderá descargar o/os impreso/s desde esta páxina ou acudir ao rexistro do Concello, onde lle facilitarán este/s impreso/s normalizado/s a presentar.

Documentación

Certificado que acredite a situación sanitaria do animal potencialmente perigoso expedido polos servizos sanitarios da Comunidade Autónoma ou veterinario colexiado.
Xustificante da solicitude de inscrición no Rexistro Galego de Identificación de Animais de Compañía (REGIAC).
Xustificante de ingreso da taxa por prestación de servizos especiais de expedición de licenza por tenza de animais potencialmente perigosos, na conta bancaria do concello.

No caso de que a solicitude non reúna os requisitos esixidos, o Concello requerirá ao interesado para que nun prazo de 10 días emende a falta ou xunte os documentos necesarios, con indicación de que se non o fixese, se terá por desestimada a súa petición arquivándose sen máis trámite.

Normativa