Castellano
Detalle trámite
Estas axudas teñen por obxecto a realización de actividades que complementen ou suplan os servizos atribuídos á competencia municipal ou que, en xeral, contribúan ao fomento dos intereses do municipio.
Poderán acceder á condición de beneficiarias as entidades sen ánimo de lucro que reúnan os seguintes requisitos:
- Estar legalmente constituídas e inscritas no rexistro municipal de entidades ou asociacións do Concello de Boqueixón, cos datos actualizados no momento de presentar a solicitude e contar con domicilio social e fiscal no Concello de Boqueixón.
- Non incorrer nas causas de incompatibilidade ou incapacidade para ser beneficiarias ou percibir subvencións da Administración pública dispostas no artigo 13 da Lei 38/2003 xeral de subvencións.Non incorrer nas causas de incompatibilidade ou incapacidade para ser beneficiarias ou percibir subvencións da Administración pública dispostas no artigo 13 da Lei 38/2003 xeral de subvencións.
- No caso de entidades ou asociacións que foran beneficiarias de subvencións ou axudas económicas concedidas en anos anteriores polo Concello de Boqueixón, deberán telas debidamente xustificadas e aprobadas polo Concello de Boqueixón, así como non ter aberto ningún procedemento de reintegro das cantidades percibidas por algunha das causas previstas no artigo 37 da lei 38/2003, xeral de subvencións.
- Se no momento de presentar a solicitude non se puidese acreditar este extremo por estar o Concello tramitando a fase de “xustificación” das subvencións incluídas na anterior convocatoria, incorporarase ao expediente de solicitude informe do Xefe do Servizo sobre este extremo, sen que supoña motivo de exclusión para solicitar.
- Que as actividades para as que se solicita subvención sexan de interese para o Concello.
- Acreditar un mínimo de oito (8) socios/as na data de presentación de solicitudes.
- Figurar entre os seus fins estatutarios os coincidentes co obxecto da subvención.
- Atoparse ao corrente das súas obrigas coa Facenda Pública, Seguridade Social e Concello así como no pago de deberes por reintegro de subvencións.
- Cumprir co resto dos requisitos da convocatoria.
As solicitudes, en modelo oficial facilitado polo Concello, e demais documentos presentaranse na Sede Electrónica do concello de Boqueixón.
O prazo de presentación será do 19 de xuño ao 19 de xullo.
- Anexo I. Solicitude de subvención.
- Anexo II. Declaración responsable.
- Descrición detallada da actividade para a que se solicita a subvención.
- Certificación bancaria da conta na que teña que efectuarse o ingreso da subvención.
- Certificación de estar ao corrente nas obrigacións coa Axencia Tributaria, Concello de Boqueixón e Tesourería Xeral da Seguridade Social, no caso de non autorizar ao concello á comprobación.
- Escritura pública ou certificación do Rexistro de Asociacións da Xunta de Galicia acreditativa da representación da entidade.
- Estatutos e CIF da entidade no caso de non haber presentado noutras convocatorias anteriores.
- Declaración responsable da persoa beneficiaria ou do/a Presidente/a de que os usuarios/as das actividades obxecto desta axuda están cubertos por un seguro de responsabilidade civil e/ou accidentes, que cubre axeitadamente ditas continxencias.
-
Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia.
-
Lei 9/2007, do 13 de xuño, de Subvencións de Galicia.
-
Real Decreto 887/2006, de 21 de xullo, polo que se aproba o Regulamento da Lei 38/2003, de 17 de novembro, xeral de subvencións.
-
Lei 38/2003, de 17 de novembro, Xeral de Subvencións.
Nome: Solicitude de axudas a entidades sen ánimo de lucro para o ano 2024.
Inicio do procedemento: A instancia de parte.
Tipo de interesado: Persoa física ou xurídica.
Canles de atención: Telemático (Iniciar trámite).
