Castellano
Detalle trámite
Non hai convocatorias abertas actualmente
Esta convocatoria ten por obxecto outorgar subvencións, en réxime de concorrencia competitiva, para o financiamento de programas ou proxectos de actividades e investimentos, levados a cabo polas entidades sen ánimo de lucro do concello de Boqueixón, coa finalidade de promover e dinamizar a participación activa da veciñanza e do tecido asociativo.
Poderán acceder á condición de beneficiarias as entidades privadas sen ánimo de lucro que reúnan os seguintes requisitos:
- Estar legalmente constituídas e figurar inscritas no rexistro municipal de asociacións e os seus datos debidamente actualizados no momento de solicitar a subvención.
- Contar con domicilio social e fiscal no Concello de Boqueixón.
- Acreditar un mínimo de oito socios/as na data de presentación de solicitudes.
- Figurar entre os seus fins os coincidentes co obxecto da subvención, segundo os seus propios estatutos.
- Ter xustificadas as subvencións anteriormente outorgadas polo concello de Boqueixón, a non ser que se lles outorgara unha prórroga.
- Atoparse ao corrente do pago de deberes por reintegro de subvencións e estar ao corrente no cumprimento das obrigas tributarias coa Axencia Estatal da Administración Tributaria e da Comunidade Autónoma e fronte á Seguridade Social e co concello de Boqueixón.
- Non estar incurso en ningunha das prohibicións establecidas no artigo 10 da Lei 9/2007, do 13 de xuño, de subvencións de Galicia.
Prazo.
O prazo de presentación das solicitudes será de 30 días naturais a computar dende o día seguinte ao da publicación do extracto da convocatoria no BOP. (dende o 2 ata o 31 de Agosto)
Lugar.
As entidades interesadas en participar nesta convocatoria deberán presentar unha única solicitude a través da Sede electrónica do concello de Boqueixón (https://sede.boqueixon.com/sxc/es/procedimientosytramites/index.html#subvenciones) con acceso a través da web www.boqueixon.gal (Lei 39/2015, de 1 de outubro de procedemento administrativo común das Administracións Públicas).
- Anexo I - Solicitude de subvención
- Anexo II - Proxecto ou memoria detallada da actividade/investimento para o que se solicita a subvención.
- Anexo III - Declaración responsable de non estar incurso en ningunha das causas que determina o art. 13.2 da Lei 38/2003, de 17 de novembro, Xeral de Subvencións, e que polo tanto, cumpre todos e cada un dos requisitos que están vixentes para obter a condición de beneficiaria e declaración do conxunto de todas as axudas solicitadas para o mesmo fin. Autorización de consulta de datos.
- Anexo IV - Certificado da composición da actual xunta directiva da asociación e do número de persoas asociadas.
- Documentación complementaria:
- Certificado de non ter débedas coas Administracións Públicas con potestade tributaria e coa Seguridade Social emitido por estes organismos ou autorización para consulta.
- Estatutos da entidade.
- DNI da persoa representante legal da asociación.
- CIF da asociación.
- Certificado do IBAN da entidade solicitante.
- Orzamento detallado de gastos e expresión de todas as axudas públicas ou privadas, solicitadas ou obtidas para a mesma finalidade.
- A documentación relativa aos apartados b,c,d, e non será necesaria no caso de habela presentado na convocatoria anterior e non sufrira variación.
-
Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia.
-
Lei 9/2007, do 13 de xuño, de Subvencións de Galicia.
-
Real Decreto 887/2006, de 21 de xullo, polo que se aproba o Regulamento da Lei 38/2003, de 17 de novembro, xeral de subvencións.
-
Lei 38/2003, de 17 de novembro, Xeral de Subvencións.
Nome: Solicitude de subvencións a entidades sen ánimo de lucro.
Inicio do procedemento: A instancia de parte.
Tipo de interesado: Persoa física ou xurídica.
Canles de atención: Telemático (Iniciar trámite).
Presencial.
